अन्ततः आनन्दसँग सोनमको बिहे पक्का

बलिउड अभिनेत्री सोनम कपुरले विवाह गर्ने निर्णय गरेकी छिन् । भारतीय मिडियाका अनुसार, आफैँले खोजेको केटासँग उनले लगनगाँठो कस्न लागेकी हुन् । उनी लामो समयदेखि आनन्द आहुजाको प्रेममा थिइन् ।

सोनम र आनन्दबीच आगामी जुन महिनामा विवाह हुने बताइएको छ । फिल्ममा आउनुअघि नै उनी फेसन डिजाइनर थिइन् । आनन्द भने उद्यमी हुन् ।

यो जोडीलाई सोनमका पिता अनिल कपुरले भने खासै राम्रो मानेका थिएनन् । तर, छोरीले प्रेमी नछाड्ने ढिप्पी कसेपछि अन्ततः उनी राजी भएका छन् ।

छोरीको प्रेमलाई विवाहमा परिणत गर्न पिता तयार भएपछि नै सोनम विवाहका लागि कस्सिएकी हुन् । आमा र भाइले पनि सोनमको निर्णयलाई समर्थन दिएको भारतीय सञ्चारमाध्यमले समाचार लेखेका छन् ।