निर्देशक शिव रेग्मीको स्वास्थ्य अवस्था चिन्ताजनक

बैकुण्ठराज पराजुली, काठमाण्डौ। दुवै मृगौला खराब भई विगत लामो समय देखी उपचारका क्रममा अस्पतालमा रहेका बरिष्ठ चलचित्र निर्देशक शिव रेग्मीको स्वास्थ्य अवस्था झनै चिन्ताजनक बनेको छ । निर्देशक रेग्मीको अवस्था शनिवार दिउँसोदेखी अचानक बिग्रिएको उपचारमा संलग्न चिकित्सकले जनाएका छन् ।

केहि समयसम्म स्थिर रहेको उनको स्वास्थ्य अवस्थामा अचानक समस्या देखिए पछी केहि दिन पहिले गृह जिल्ला चितवनबाट काठमाडौं ल्याईएको थियो । उनको अहिले राजधानीको बल्खु स्थित बयोधा अस्पतालमा ‘भेन्टिलेटर’मा राखी उपचार भईरहेको छ । निर्देशक रेग्मीको स्वास्थ्यमा अचानक समस्या आएको भन्ने खवर बाहिर आए पछी शनिवार दिनभर जसो बयोधा अस्पतालमा परिसर मा चलचित्रकर्मी तथा उनका शुभचिन्तकहरुको भिड लागेको थियो ।

निर्देशक रेग्मीले ‘प्रेम पूजा’नामक चलचित्रबाट चलचित्र क्षेत्रमा हात हालेका थिए । ‘आफन्त’ नामक नेपाली चलचित्र निर्देशक रेग्मीको निर्देशनमा बनेको पहिलो नेपाली चलचित्र हो । नेपलि चलचित्र निर्देशकहरुको भिडमा आँफुलाई एक सफल चलचित्र निर्शकको भुमिकामा उभ्याएका निर्देशक रेग्मिको निर्देशकमा तयार भएका अब मात्र दुई चलचित्र ‘पराई’, ‘मनले मनलाई छुन्छ’ प्रदर्शन हुन बाँकी छन् ।