चर्चित अभिनेत्री प्रियंका कार्की र निर्देशक एवं हास्यकलाकार दीपाश्री निरौलाले संयूक्त रुपमा ‘ग्यालेक्सी डान्स स्कुल’ को उद्घाटन गरेका छन् । मंगलबार यी दुईले मन्डिखाटरमा सञ्चालनमा आउन लागेको डान्स स्कुलको पानसमा बत्ति बालेर उद्घाटन गरे ।
कार्यकममा निर्देशक निरौलाले उक्त डान्स स्कूलले प्रतिभावान कलाकारको उत्पादन गर्न सघाउने विश्वास व्यक्त गरिन् ।
यस्तै, नायिका कार्कीले पनि डान्स प्रतियोगिता हुनु आफैंमा राम्रो काम भएको र यस्ता प्रतियोगिता निष्पक्ष हुनु पर्ने विचार राखिन् ।
यस डान्स स्कूलले नयाँ प्रतिभाको खोजी गर्न सघाउने संस्थाका अध्यक्ष प्रकाश घलेले बताए । संस्थाले देशभरबाट नव-प्रतिभाहरुको छनौट गरेर डान्स प्रतियोगिताको आयोजना समेत गर्न लगेको संस्थाका व्यवस्थापन प्रमुख रमेश थापाले जानकारी दिए ।