यसै साता रिलीज हुने नेपाली चलचित्र ‘शेरबहादुर’ को प्रियिमर गरिएको छ । बुधवार साँझ कुमारी हलमा भएको प्रिमियरमा चलचित्र यूनिट तथा अन्य अतिथीहरुको उपस्थिती थियो ।
करिश्मा मानन्धर, आँचल शर्मा, दीपाश्री निरौला, पल शाह, दीपकराज गिरी, मदनकृष्ण श्रेष्ठ, केदार घिमिरे, किरण केसी, गायक द्वय सत्यराज आचार्य र स्वरुपराज आचार्य, वितरक गोपाल कायस्थ लगायतका कलाकारहरु प्रिमियरमा पुगेका थिए ।
प्रिमियरमा चलचित्रकर्मीबाट शेरबहादुरले उत्कृष्ट प्रतिक्रिया पाएको छ । चलचित्र हेरेका सबैले नेपालमा फरक खालको फिल्म निर्माण भएको सुनाए ।
चलचित्रलाई आर राजवंशीले निर्देशन गरेका हुन् । धिराज प्रोडक्सनको व्यानरमा निर्मित यो फिल्ममा प्रमोद क्षेत्रीको कथा छ । चलचित्रमा गौरीशंकर धुनुजु र धिराज राजवंशीको लगानी रहेको छ ।
‘शेरबहादुर’ एक अवकास प्राप्त आर्मीको कथामा आधारित थ्रिलर जनराको चलचित्र हो । चलचित्रमा बरिष्ठ कलाकार सुनिल थापा, कर्मा, रविन्द्र झा, मेनुका प्रधान लगायतका कलाकारहरुको प्रमुख भूमिका छ ।
‘जात्रा’ निर्देशक प्रदीप भट्टराईको सह-निर्देशन रहेको चलचित्रका सिनेम्याटोग्राफर दीर्घ गुरुङ हुन् ।