अभिनेता सुशान्त सिंह राजपुत कथित प्रेमिका तथा अभिनेत्री कृति सेननले नयाँ कार किनेकी छिन् । उनले हालैमात्र अडिक्यु ७ कार किनेकी हुन् । यो कारको मूल्य भारतमा ८० लाख पर्छ ।
सन् २०१४ को ‘हिरोपन्ती’ फिल्मबाट बलिउडमा डेब्यु गरेकी कृतिले प्रतिफिल्म तीन करोड पारिश्रमिक लिने गरेको बताइन्छ । हिरोपन्तीपछि उनी शाहरुख खान, काजोल र वरुण धवनका साथ ‘दिलवाले’ फिल्ममा काम गरेकी थिइन् ।
यतै, उनले सन् २०१७ मा सुशान्तका साथ ‘राब्ता’ र आयुष्मान खुरानाका साथ ‘बरेलीकी बर्फी’मा अभिनय गरेकी थिइन् ।