चलचित्र ‘कोहलपुर एक्सप्रेस’को पहिलो गीत सार्वजनिक भएको छ । सरस्वती पुजाको अवसर पारेर सार्वजनिक गरिएको ‘सि-ओे-डब्लु काउ’ बोलको गीतमा राजनराज सिवाकोटीको रचना, संगीत र स्वर रहेको छ । गायनमा राजनराजलाई गायिका मेलिना राईले साथ दिएकी छिन् ।
गीतको भिडियोमा नायिका द्वय केकी अधिकारी र रीमा विश्वकर्मासँगै कलाकार द्वय विनोद न्यौपाने र गम्भीर विष्ट फिचरिङ छन् । रीमा र गम्भीर यो गीतमा मात्र छन् ।
केकी अधिकारीले निर्माण गरेको यो चलचित्रलाई बिशाल भण्डारीले निर्देशन गरेका हुन् । केकीका अलावा भद्र बहादुर शाही, देवी लाल न्यौपाने पण्डित र शिव प्रसाद चौलागाई ‘कोहलपुर एक्सप्रेस’को निर्माताका रुपमा रहेका छन् ।
शान बस्नेतको कथा, लोकेश बज्राचार्यको सम्पादन, गम्भीर विष्टको नृत्य रहेको यो चलचित्रले तीन यूवतीको कथा भन्नेछ । यो चलचित्र बैशाख १४ गतेबाट प्रदर्शनमा आउँदैछ ।
अर्जुन तिवारीको छायांकन रहेको चलचित्रमा राजनराज सिवाकोटीसँगै अर्जुन पोखरेल र कालीप्रसाद बासकोटाको संगीत छ । केकी अधिकारी, ऋचा शर्मा, प्रियंका कार्की, विनोद न्यौपाने, बुद्धि तामाङ, रबिन्द्र झा, सुजन कार्की, कुसाग्र भट्टराई लगायतको ‘कोहलपुर एक्सप्रेस’मा अभिनय रहेको छ ।
भिडियो :-