जनवरी २५ मा ‘पद्मावत’ आउने भएपछि अक्षय कुमार अभिनीत चलचित्र ‘प्याडम्यान’को रिलिज डेट पोस्टपोन्ड भएको छ । अक्षयले शुक्रवार एक पत्रकार सम्मेलन गर्दै चलचित्रलाई ९ फेव्रअरीमा रिलिज गर्ने घोषणा गरेका छन् । उनी नेपालीमा पनि राम्रो विक्ने अभिनेता हुन् ।
९ फेव्रअरी अर्थात्, माघ २६ गते युवा स्टार अनमोल केसी अभिनीत चलचित्र ‘कृ’ रिलिज हुँदैछ । हुनत, उनले अभिनय गरेका फिल्म प्रदर्शनमा आउँदा बलिउड फिल्मले नेपाली हलमा कम शो पाउने गरेका छन् । फिल्म ‘ड्रिम्स’ रिलिजको समयमा बलिउड अभिनेत्री प्रियंका चोपडा अभिनीत फिल्म ‘जय गंगाजल’ ले नेपाली हलमा पानी सम्म भन्न पाएको थिए ।
ट्रेलर र ‘यति यति पानी’ गीतले जसरी ‘कृ’को चर्चा चुलिएको छ यसबाट के अनुमान लगाउन सकिन्छ भने अक्षयलाई यसपटक नेपाल रिलिज सजिलो हुने छैन ।
चलचित्रमा अनमोल केसी, अदिती वुढाथोकी, अनुप विक्रम शाही, कामेश्वर चौरासिया, सरोज खनाल, लक्ष्मी गिरी, रुपा राना लगायतका कलाकारको मुख्य भूमिका छ ।
सुवास इन्टरटेन्मेन्टको ब्यानरमा निर्माण भएको चलचित्रलाई द सुपर काजोल फिल्मस्ले प्रस्तुत गरेको हो । चलचित्रमा सुवास गिरी र भूवन केसीको लगानी छ ।