बलिउड अभिनेत्री कैटरीना कैफको जन्म सन् १९८३ मा हङकङमा भएको थियो । उनको पिता एक ब्रिटिश बिजनेश म्यान हुन् । उनकी आमा सुजेन पेशाले एक वकिल हुन् ।
बलिउड स्टार सलमान खानसँग उनको पहिलो भेट सन् २००३ मा भएको थियो । उनीहरु त्यसपश्चात ७ वर्षसम्म प्रेम सम्बन्धमा रहे । सन् २०१० मा उनीहरुको ब्रेकअप भएको थियो ।
त्यसपछि उनको जीवनमा अभिनेता रणवीर कपुर आए । रणवीरकै लागि उनले सलमानलाई छाडेको हल्लाले त्यतिखेर बलिउडमा ठूलै चर्चा पाएको थियो । तर, सन् २०१५ मा यो जोडीको पनि ब्रेकअप भयो । एक स्टाइलिस जीवन जिउन रुचाउने कटरिनाको लाइफस्टाइल पनि उत्तिकै चर्चा हुने गर्छ ।
कटरिनासँग नेटवर्थ ५ मिलियन रहेको छ । उनी १० मिलियन डलर सम्पत्तिकी मालिक्नी हुन् । भारतीय मिडियाका अनुसार, उनी एउटा चलचित्र खेलेको ३ देखि ५ करोडसम्म लिने गर्छिन् ।
अधेरी वेस्ट मुम्बइमा उनको फ्ल्याट छ । लण्डनमा पनि उनको करोडौंको सम्पत्ति छ । उनीसँग लाखौं पर्ने तीन कार छन् । उनी अउडी क्विउ-३ (३७.५ लाख), मर्सिटिज एमएल-३५० (६४.७ लाख) र अउडी क्विउ-७ (८१.७ लाख) कार चड्ने गर्छिन् ।
कैटरीना कुशल अभिनेत्री मात्र होइनन् । उनी आफ्नी आमाको च्यारिटिबल ट्रस्ट ‘द रिलीफ प्रोजेक्ट्स इन्डिया’सँग पनि जोडिएकी छिन्, जसले भारतमा भ्रूणहत्या रोक्ने काम गर्दछ ।