काठमाण्डौ। सौगात मल्ल र बेनिशा हमाल स्टारर नेपाली चलचित्र ‘झ्यानकुटी’को नयाँ गीत रिलीज गरिएको छ । मंसिर १ गतेबाट देशैभर प्रदर्शनमा आउने यस चलचित्रको ‘भो मलाई चाहिँदैन अर्की’ बोलको गीत सार्वजनिक भएको हो ।
यस गीतमा धर्मेन्द्र सेवानको स्वर सुन्न सकिन्छ भने प्रदीप भारद्वाजका शब्दमा विकास चौधरीले संगीत भरेका छन् । चलचित्रमा श्रीमती बनेकी बेनिशा हमालले छोडेर गएपछि नायक सौगात मल्लको तड्पाईलाई गीतको भिडियोमा मर्मस्पर्शी शैलीमा देखाइएको छ ।
नायिका नीशा अधिकारीले पहिलो पटक निर्माण गरेको यो चलचित्रलाई सिमोस सुनवारले निर्देशन गरेका छन् । ‘झ्यानाकुटी’मा सौगात र बेनिशाका अलावा पुष्कर गुरुङ, सुमि मोक्तान, जीवन भट्टराई लगायतका कलाकारहरुको अभिनय छ ।
चलचित्रको कथा प्रदीप भारद्वाजले लेखेका हुन् । निर्देशक आफैले सम्पादन गरेको फिल्ममा सनिश सुनवार र विकास चौधरीको संगीत सुन्न सकिन्छ ।
भिडियो: