ठुलोपर्दा डटकम, काठमाण्डौ। संविधानसभाको दोश्रो निर्वाचनमा कलाकारहरुले पनि भोट हालेका छन्। नायक राजेश हमाल, पूर्व मिस नेपाल माल्भिका सुब्बा, बरिष्ठ हाँस्य अभिनेता हरिवंश आचार्य, हाँस्य कलाकार निर्मल शर्मा, गायिका आस्था राउत, हास्य कलाकार मनोज गजुरेल लगाएतका कलाकारहरुले भोट हालेका छन्। नायिका रेखा थापाले भने मतदाता नामावलीमा नाम नभएकोले भोट हाल्न पाईनन्।
हरिवंश आचार्यले बिहानैदेखि लाइन बसेर भक्तपुरको बालकोटमा भोट हालेका छन्। नायक हमालले लैनचौरको शान्ति बिद्यागृहकोमतदान केन्द्रमा मत खसालेका छन्। हास्य कलाकार मनोज गजुरेलले पनि बालकोटबाटै भोट हालेका छन्। पूर्व मिस नेपाल सुब्बाले महाराजगंजस्थित बाँसबारी क्लवमा मत हालिन्। निर्देशक तथा एमाओवादी समानुपातिक उमेद्वार हिमग्याप टाँसी लामाले जुम्लाबाट भोट हालेका छन् ।
यसैगरि प्रायः कलाकारले भोट हालेका छन्। सबै कलाकारको चाहना नेपालमा नयाँ संविधान बनोस् भन्ने रहेको छ।