चलचित्र ‘मधु मालती’ घोषणा



Madhu-Malati-1

ठुलोपर्दा डटकम, काठमाण्डौ।
नयाँ नेपाली चलचित्र ‘मधु मालती’ घोषणा भएको छ । बिहिवार राजधानीमा एक कार्यक्रमको आयोजना गर्दै तारा शंकर फिल्मस् प्रालीको ब्यानरमा बन्ने चलचित्र घोषणा भएको हो ।

रोमान्टिक प्रेमकथा बोल्ने फागुन १५ बाट फ्लोरमा जानेछ । यो चलचित्र शिशिर चालिसेले निर्देशन गर्दैछन् । निर्देशनमा डेब्यू गर्न लागेका चालिसेले भेट्रान निर्देशकको उपमा पाएका दिवंगत शिव रेग्मी, विकास आचार्य, सुदर्शन थापा लगायतसाग २४ चलचित्रमा सहायक निर्देशकको रुपमा काम गरिसकेका छन् ।

फिल्मको कथा पनि चालिसेकै हो । कार्यक्रममा बोल्दै उनले अनुभवी निर्देशकहरुसँग काम गर्दाको आफ्नो सम्पुर्ण अनुभव र मेहनत खर्चिादै उत्कृष्ट फिल्म बनाउने प्रयास आफ्नो रहने बताए ।

Madhu-Malati-2

शंकर कार्की निर्माता रहेको फिल्मलाइ नवराज उप्रेतीले खिच्दैछन् भने प्रितम पाण्डेले सम्पादन गर्दैछन् । रुपा राना, केशव भट्टराई, अनुरुप पोखरेल, कुसुम नेपाल, सविना थापा लगायतको लिड अभिनय रहने फिल्ममा संगीत दावा दोर्जे लामा र मिलन सुर्खेतीको रहनेछ । चलचित्रका सह-निर्माता श्याम खड्का हुन् ।

१ करोड बजेटमा निर्माण हुने भनिएको फिल्मलाई काठमाडौं, ईलाम र हेलम्बुमा खिचिने बताइएको छ । फिल्म साहित्यकार रमेश विकलको उपन्यास ‘मधुमालतीको कथा’मा आधारित नभएको समेत निर्माण टिमले स्पष्ट पारेको छ ।

प्रतिक्रिया दिनुहोस्
About Thuloparda
Thuloparda.com

Press Council Nepal Reg No.: 22

DOIB Reg No.: 160/073-74

Publisher: Jiwan Kumar Parajuli

Editor: Subrat Raj Acharya

Phone: 9851194755

Email: [email protected]

Address: Anamnagar, 29, Kathmandu

Designed by Appharu