ठुलोपर्दा डटकम, काठमाण्डौ।
निर्देशक निश्चल बस्नेतले नेपाली चलचित्र ‘पर्व’को गीतमा माला लिम्बुसँग हट नृत्य गरेका छन् । एक हप्ता अगाडि छायांकन भएको चलचित्र ‘पर्व’को ‘काले दाई काले’ बोलको गीतको भिडियो नै सार्वजनिक गरिएको छ ।
सार्वजनिक गीतमा निश्चल बस्नेत र मिना निरौलाको स्वर, दिनेश राउतको शब्द, कोशिश क्षेत्रीको संगीत छ ।
चैत्र २५ गतेबाट यो चलचित्र रिलिज हुँदैछ । टीभी फिल्मको निर्माण र सुवास इन्टरटेन्मेन्टको सहकार्यमा यो चलचित्रको निर्माण भएको हो । चलचित्रमा नम्रता श्रेष्ठ, कोशिश क्षेत्री, माला लिम्बु, जेबिका कार्की मुख्य भूमिकामा छन् ।
चलचित्रलाई दिनेश राउतले निर्देशन गरिरहेका छन् । निकिता पौडेल र सुवास गिरीले संयुक्त रुपमा यो चलचित्र बनाएका हुन् । कविराज गहतराजको कोरियोग्राफी रहेको गीतलाई राजेश श्रेष्ठले खिचेका हुन् । सस्पेन्स-थ्रीलर कथामा यो चलचित्र निर्माण गरिने निर्देशक राउतले बताए ।
गीत: