ठुलोपर्दा डटकम, बर्दिवास।
मह जोडीको उपस्थितीमा धुर्मुस-सुन्तली फाउन्डेसनले महोत्तरीको बर्दिबास मुसहर बस्तीमा ५० घर निर्माणको शिलान्यास गरेको छ । सोमबार राजधानीबाट बस्ती शिलान्यासको लागि महजोडी सहितका कलाकार बर्दिवास पुगेका थिए ।
सोहि अवसरमा महजोडीले एक लाख, पूर्व शिक्षा मन्त्री गिरिराजमणी पोखरेलले सांसद विकास कोषबाट १० लाख दिने घोषणा गरेका छन् । यस्तै अन्य धेरै कलाकार, पत्रकार तथा स्थानियले पनि सोमवार नै आर्थीक तथा श्रम सहयोग घोषणा गरेका छन् ।
धुर्मुस-सुन्तली फाउण्डेशनले आफ्नो तेस्रो एकीकृत बस्ती निर्माण शुरु गरेका हुन् । यसअघि काभ्रेको पहरी बस्ती र सिन्धुपाल्चोकको गिरान्चौर नमुना बस्ती निर्माण सम्पनन भईसकेको छ ।
नयाँ एकीकृत बस्ती निर्माणका लागि ४ करोड ७८ लाख लगानी लाग्ने बताईएको छ । चैत अन्तिमसम्ममा निर्माण सम्पन्न गरी नयाँ बर्ष २०७४ मा बस्ती हस्तान्तरण हुने फाउन्डेशनका अध्यक्ष सिताराम कट्टेलले बताए । कट्टेलका अनुसार बस्ती निर्माणार्थ हालसम्म करीब १ करोड ८० लाख रकम प्राप्त भईसकेको छ ।
