आयो ‘लुट २’को ट्रेलर, ‘हाकु काले’को बज्यो बाह्र (भिडियो)

ठुलोपर्दा डटकम, काठमाण्डौ।
२०६९ सालको ब्लकबष्टर ‘लुट’को सीक्वल बहुप्रतिच्छित चलचित्र ‘लुट २’ को ट्रेलर सार्वजनिक भएको छ । बिहिवार राजधानीमा एक कार्यक्रमको आयोजना गरी ट्रेलर सार्वजनिक गरिएको हो ।

ट्रेलर YouTube मा पनि आएको छ । ट्रेलरलाई अधिकांश दर्शकले मन पराएका छन् । अधिकांश टीप्पणीहरु पनि सकारात्मक नै आईरहेका छन् ।

ट्रेलरमा अघिल्लो चलचित्र ‘लुट’मा बैंक लुटेको आरोपमा पक्राउ परेकाहरु चार बर्षपछि जेल बाहिर आएर हाकु कालेलाई खोजिरहेका देखिन्छन् । ”लुट २’मा हाकुको बाह्र बज्छ’ निर्माता माधव वाग्लेले भनेका छन् ।

निश्चल बस्नेत निर्देशित चलचित्रमा दयाहाङ राई, सौगात मल्ल, ऋचा शर्मा, कर्मा, विपिन कार्की, सुशिलराज पाण्डे, एलिशा राई लगायतको अभिनय छ । फागुन १३ मा रिलिज हुने फिल्मका निर्माता माधव वाग्ले र नरेन्द्र महर्जन हुन् ।

हेर्नुहोस् ट्रेलर: