ठुलोपर्दा डटकम, काठमाण्डौ।
शुक्रवार ‘शब्द’ अभिनेत्री कमली वाईवा हेलिकोप्टर चार्टर गरेर अभिनेता सौगात मल्ल खोज्दै मनास्लु पुगिन् । केहि दिन अघि मात्र अर्को फिल्म ‘बमकाजी’को छायांकनको लागि नायिका दिया पुन लिएर सौगात त्यसतर्फ गएका थिए ।
‘बमकाजी’ छायांकन चलिरहेको ठाउँमा कमली पुगिन् । उनले भेटिनन् मात्र सौगातको हात समाएरै काठमाडौं लिएर आईन् । ‘यो सबै के को लागी ?’ कमलीका अनुसार नेपालसँगै एकसाथ अष्ट्रेलियामा रिलिज हुन लागेको फिल्म ‘शब्द’को प्रदर्शनीमा सहभागी हुन लागेका सौगातको भिषा प्रक्रिया अड्केपछि कमली सौगात लिन हेलि चार्टर गरेर त्यहाँ पुगेकी थिइन् ।
‘बमकाजी’को सेटबाट केहि घण्टाको लागी समय मिलाएर १२ बजे काठमाडौं आएका सौगात त्यसपछि पुन: ३ बजे सामागाउँ फर्केका थिए । कमलीले अष्ट्रेलियाको सिड्नी, ब्रिसबेन, मेल्वर्न लगायतका विभिन्न पाँच शहरमा हुने फिल्मको प्रदर्शनीमा सौगात र आफु सहभागी हुन लागेको बताईन् ।
सन्तोष शिवाकोटी निर्देशित फिल्ममा सौगात र कमलीसँगै अनुभव रेग्मी, रोयदिप, ओशिन भट्टराई, ए गुरुङ लिड रोलमा छन् । फिल्ममा विष्णुकुमार थेबे र छिरिङ लामाको लगानी छ ।