ठुलोपर्दा डटकम, काठमाण्डौ।
बुधवार राजधानीमा भएको नेपाली चलचित्र ‘तँ म र ऊ’को एक कार्यक्रममा निर्देशक लछु गौतम आक्रोशित देखिइन् । उनको आक्रोश आफ्ना कलाकारमाथी थियो ।
चलचित्रका प्रमूख कलाकारहरु निता ढुंगाना तथा आमेश भण्डारी कार्यक्रममा नआएपछि उनि रिसाएकी थिइन् । उनले आफैमा प्रश्न गरिन्, ‘रिलिजको बेला कलाकारले साथै दिदैनन् अनि कसरी चलचित्रको लगानी उठ्छ ?’
कलाकारका कारण निर्माताको लगानीनै संकटमा पर्ने उनको धारणा थियो । लामो समयको प्रेमपछि छुट्टिएका आमेश र निता दुवैजना कार्यक्रममा नआउँदा उनि त्यसी झोक्किएकी थिइन् ।
निताले आफ्नो फेसबुकमा आँखा बिरामी भएको भन्दै केहि तस्वीर शेयर गरेकी छिन् भने आमेश राजधानीमा छैनन् । कार्यक्रममा निर्माता तथा कलाकार सुदिन प्रसाईँ उपस्थीत थिए ।
उक्त कार्यक्रममा चलचित्रको नयाँ प्रोमो तथा गीत सार्वजनिक भएका छन् ।