‘तिम्रो मनको मान्छे म’को पोस्टर रिलीज

ठुलोपर्दा डटकम, काठमाण्डौ।
‘मस्ट ट्रयाजिक लभ स्टोरी’ बताउँदै निर्देशक दिनेश श्रेष्ठले आफ्नो नयाँ चलचित्रको पोस्टर सार्वजनिक गरेका छन् ।

प्रदर्शन मिति नखुलाईएको चलचित्र ‘तिम्रो मनको मान्छे म’को पोस्टरमा ‘Releasing Soon’ उल्लेख छ । चलचित्रलाई ग्रिनहिल भिएफएक्स मिडियाको ब्यानरमा बनाईएको छ, जसमा रुपक भण्डारी र स्वरुप भण्डारीको लगानी छ ।

चलचित्रमा बिष्णु अर्याल, नम्रता योगी, शिवन श्रेष्ठ, आलिया खतिवडा, धिरेन शाक्य, कविता रेग्मी, रश्मी भट्ट लगायतका कलाकारको अभिनय रहेको छ ।

दिनेश श्रेष्ठको लेखन, सम्पादन तथा निर्देशनमा बनेको यो चलचित्रमा भरत सिटौलाको संगीत छ । सार्वजनिक पोस्टर बिजय बश्यालले डिजाइन गरेका हुन् ।