ठुलोपर्दा डटकम, काठमाण्डौ।
पछिल्लो समयमा अभिनेता दयाहाङ् राई र प्रियंका कार्कीलाई जोडेर गसिपहरु छाएका थिए । यहि बीचमा आठौँ पटक यि दुई स्क्रिन शेयर गर्ने भएका छन् ।
निर्देशक मिलन चाम्सले निर्देशन गर्ने ‘ह्याप्पी डेज’ नामक चलचित्रमा दया र प्रियंकाको जोडी बाँधिने छ । दया र प्रियंकाको जोडी रहेको यो आठौँ चलचित्र हुनेछ । यो चलचित्रको सम्पूर्ण छायांकन बेलायतमा हुनेछ ।
सोमबार राजधानीमा पत्रकार सम्मेलन गर्दै ‘ह्याप्पी डेज’ घोषणा गरिएको हो । चलचित्रमा पैसा कमाउने उद्देश्यले बेलायत पुगेका युवाहरुको कथालाई प्रस्तुत गर्नेछ । चलचित्रमा सञ्जय गुप्ताको पनि अभिनय हुनेछ ।
निर्देशक मिलन चाम्सले यसअघि अभिनेता राईसँग चलचित्र ‘बीर बिक्रम’ बनाएका थिए जुन चलचित्र सफल चलचित्रको सुचीमा छ ।