ठुलोपर्दा डटकम, काठमाण्डौ।
शनिवार राजधानीमा सम्पन्न तीज बिशेष सेलिब्रेटी र्याम्प शो ‘स्टाइल उत्सव’मा केहि चर्चित सेलिब्रेटीले क्याटवाक गरेका छन् । उक्त र्याम्प शोमा अभिनेत्री गौरी मल्ल, नायिका चाँदनी शर्मा, पुजा शर्मा, क्षितिजा शाक्य, मिस नेपाल २००० उषा खड्गी तथा कलाकार लक्ष्मी श्रेष्ठले क्याटवाक गरेका हुन् ।
मर्निङ् ग्लोरी इन्टरटेन्मेण्टको आयोजना तथा पुनम इन्टरटेन्मेण्टको सहकार्यतामा भएको उक्त र्याम्प शो नेपाली महिलाहरुको महान पर्व हरीतालिका तीजको अवसरमा आयोजना गरिएको थियो । शोमा नेपालका अन्य चर्चित मोडलहरुले पनि क्याटवाक गरेका थिए ।
त्रिपुरेश्वरको मुड्स लञ्जमा भएको र्याम्प शोकी प्रमूख कोरियोग्राफर प्रतिमा श्रेष्ठ थिइन् । बिश्व गौतम, अकल्प बुटिक लगायतले आफ्ना डिजाईनहरु प्रस्तुत गरेका थिए । साथै, चर्चित गायिकाहरु कुन्ती मोक्तान र देविका बन्दनाले पनि आफ्ना प्रस्तुती दिएका थिए ।
फोटो: विबेक बश्याल