ठुलोपर्दा डटकम, काठमाण्डौ।
भदौ ३ गतेबाट सुटुक्क छायांकन शुरु भएको ‘ए मेरो हजुर २’का हिरो सार्वजनिक भएका छन् । उनि काठमाण्डौ न्यूरोडका सलिन मान बानिया हुन् ।
यसअघि महंगो पारिश्रमिकमा अनुबन्धित ‘ड्रिम्स’स्टार साम्राज्ञी राज्यलक्ष्मी शाह मात्र ‘ए मेरो हजुर २’की प्रमूख कलाकार सार्वजनिक थिइन् । यो चलचित्रलाई अभिनेत्री झरना थापाले डेब्यू निर्देशन गरिरहेकी छिन् ।
२२ बर्षे सलिन यूनि ग्लोब कलेजमा बि.बि.ए. छैठौँ सेमेष्टरमा अध्ययनरत रहेको अनलाईन पत्रिका न्यूज फिल्मीले लेखेको छ । यसअघि सलिन मान सुनील रावलको ‘लाउरे’बाट डेब्यू गर्ने कुरा रहेको भएपनि प्रोडक्सन टिम भित्र आन्तरिक समस्या उब्जिएपछि उनि पछि हटेको बताईन्छ ।
कोरियन लुक्सका सलिनको हाइट ५ फिट ८ ईन्च रहेको छ । सलिन ए.सि.ई. कलेज डान्स कम्पिटिसनमा उनी दोश्रो भएका थिए ।