ठुलोपर्दा डटकम, काठमाण्डौ।
प्राथमिक विद्यालयमा अध्यापन गराउने शिक्षकहरुको बिषयमा नेपाली कथानक चलचित्र बन्ने भएको छ । ‘कुम्भकरण’ नाम राखिएको यस चलचित्रलाई रोमान्टिक, सस्पेन्स र कमेडी बिषयमा निर्माण गर्न लागिएको बताईएको छ ।
आकाश पल इन्टरटेन्मेन्टको ब्यानरमा निर्माण हुने यो चलचित्रलाई दिपक वलीले निर्देशन गर्ने भएका छन् । चलचित्रमा रोम वली कार्यकारी निर्माता, क्षितिज बस्नेत र खड्क वुढाथोकी निर्माता हुन् । चलचित्रमा भोलाराज सापकोटा, गौरव पहारी, निशा अधिकारी, अभय बराल, आकाश पल, कुलदिप अधिकारी, सद्भाव थापा मुख्य भूमिकामा रहनेछन् ।
चलचित्रमा महेश दवाडीको कथा, पटकथा तथा संवाद, हरी लामाको छायांकन, विनोद ढकाल, गोविन्द मधुर आचार्य र जयन जेको संगीत, सुरेन बसेलको नृत्य निर्देशन रहनेछ ।