ठुलोपर्दा डटकम, काठमाण्डौ।
नेपाली चलचित्रकी सफल नायिका रेखा थापा ३३ बर्षमा लागेकी छिन् । हिरो चलचित्रबाट नेपाली रजतपटमा भित्रिएकी रेखाले अहिलेसम्म १०० भन्दा बढि चलचित्रमा अभिनय गरिसकेकी छिन् ।
बेलबारी मोरङमा जन्मिएकी रेखा अन्य नेपाली नायिकाहरु भन्दा बढि नै चर्चा र विवादमा तानिने नायिका पनि हुन् । पल्छिलो पटक नायिका हुदै निर्मात्री, संगीतकार र निर्देशक समेत बनेकी छिन् । उनले चलचित्र ‘लालजोडी’को लागि एक गीत समेत गाएकी छिन् ।
नोभेम्बर २००९ मा नायिका थापाले दरबार स्क्वायरमा, ए.ने.क.पा. माओवादीको सरकार मुख्यालय घेराउ कार्यक्रमको सभामा प्रचण्डसँग नृत्य गरेकी थिईन् जसको चर्चा अहिलेपनि उतिक्कै छ । केहि बर्ष उनलाई चलचित्रमा ल्याएका निर्माता छवि ओझासँग रहेपछि आफ्नो भावना बुझ्न नसक्ने भन्दै अलग्गिएकी थिइन् । उनि हाल मित्रपार्कस्थित अम्बे अपार्टमेन्टमा रहँदै आएकी छिन् । त्यस्तै, हिम्मतवालीमा नायक बनेका सुदर्शन गौतमसँगको प्रेमको हल्लाले पनि उनलाई बेला-बेला चर्चामा ल्यायो ।
नायिका रेखा थापालाई ठुलोपर्दा डटकम परिवारको तर्फबाट पनि जन्मदिनको हार्दिक शुभकामना ।