सकियो सलमान र अरिजितको शीतयुद्द, ‘ट्यूबलाइट’को लागि गाउनेछन् अरिजित

सलमान खान र अरिजीत सिंहबीचको किस्सा निकै चल्यो । तर, अब भने खुशीको खबर छ । सलमान र अरिजीतबीचको ‘कोल्डवार’ सकिएको खबर छ ।

अरिजितले एक इंटरभ्यूमा भनेका छन्, ‘यो बिल्कुल झूठ हो, कसले भन्यो सलमान खानको लागि कहिल्यै गाउँदिन ? म यति घमण्डी हुन सक्दिन र यस्तो कुरा गर्न पनि सक्दिन । म आज पनि सलमानको फ्यान हुँ’ । अरिजीतले यो पनि भने कि उनले छिट्टै सलमान खान आगामी चलचित्र ‘ट्यूबलाइट’को लागि गाउनेछन् ।

यसअघि सलमान र अरिजितबीचको शीतयुद्द चर्चामा थियो । अरिजितले सलमानसँग माफी मागेपनि सलमानले वास्ता गरेका थिएनन् । यतिसम्म कि सुल्तानको लागि अरिजितले गाएको ‘जग घूमया’ बोलको गीतलाई सलमानले हटाएका थिए ।