ठुलोपर्दा डटकम, काठमाण्डौ।
एक समयका स्टार नायक रमेश उप्रेतीले बनाउन लागेको चलचित्र ‘ऐश्वर्या’बाट नयाँ नायिकाले डेब्यू गर्ने भएकी छिन् । केहि टप ब्राण्डका लागि काम गरेकी मोडल दीपिका प्रसाईंले यो चलचित्रबाट रजतपटमा आउनेछिन् ।
दिवाकर भट्टराईको निर्देशन रहने यो चलचित्रमा दीपिका अडिसन दिएर छनौट भएकी हुन् । ५.६ इन्च उचाइ भएकी २२ वर्षिया दीपिकाले सामाजिक कार्य विषयमा के एण्ड के कलेजबाट स्नातक गरेकी छन् । दशक भन्दा बढि अमेरिका बसेर नेपाल फर्किएका रमेशले बनाउने ‘ऐश्वर्या’मा रमेश, दीपिकासँगै प्रशान्त ताम्राकार र केकी अधिकारी मूख्य भुमिकामा रहनेछन् ।
वैष्णोदेवी फिल्मको ब्यानरमा बन्ने चचलित्रमा अभिनेताद्वय अर्जुन श्रेष्ठ र निर्मल शर्मा पनि निर्माता रहनेछन् । यो चलचित्र भदौको अन्तिम साताबाट फ्लोरमा जाने तयारीमा रहेको छ ।
भिडियो: