‘ढिशूम’लाई पाकिस्तानमा प्रतिबन्ध लगाउँदा वरुण बने निराश

निर्देशक रोहित धवनको हालै रिलीज भएको बलीउड चलचित्र ‘ढिशूम’लाई पाकिस्तानमा प्रतिबन्ध लगाईएको छ । यो घटनापछि नायक वरुण धवन निराश भएका छन् ।

उनका अनुसार यो चलचित्रले कुनै पनि देशलाई गलत तरिकाले देखाईएको छैन । चलचित्रमा वरुणको भूमिका जुनैद अन्सारी नामका प्रहरी अधिकृतको रहेको छ । उनले ट्विटरमा पाकिस्तानमा चलचित्र प्रतिबन्धित गर्दा आफु निराश भएको बताउँदै यो कदमलाई गलत दाबी गरेका छन् ।

यो चलचित्रमा वरुणका अलावा जोन अब्राहम र ज्याकलिन फर्नाण्डिजको प्रमूख अभिनय छ ।