ठुलोपर्दा डटकम, काठमाण्डौ।
नेपाली लघु चलचित्र ‘BOB’ निर्देशक अनिल न्यौपानेले Copyright Claim गरेपछि बलीउड निर्देशक फराह खानका पति शिरिस कुन्दरले बनाएको लघु चलचित्र ‘कृति’ YouTube बाट हटेको छ ।
मुम्बईमा भव्य प्रिमियर गर्दै लघु चलचित्र ‘कृति’ सार्वजनिक भएको थियो । उक्त चलचित्र YouTube मा समेत आईसकेको थियो । उक्त चलचित्र हेरेपछि भारत र नेपालमा व्यापक हंगामा भयो । अनिल न्यौपानेले निर्देशन गरेको नेपाली लघु चलचित्र ‘BOB’ बाट कपि गरिएको ‘कृति’लाई लिएर धेरै टिकाटिप्पणी भए । भारतिय राष्ट्रिय पत्रपत्रिकाले समेत खण्डन गरे ।
कृतिका निर्देशक शिरिश कुन्दर र उनकी पत्नी फराह खानले सबै नेपालीलाई ट्विटरबाट ब्लक गरे । आफ्नो श्रृजना कपि गरेर चर्चामा आउन खोज्नु गलत भएको अनिलले बताए । उनले नेपाली चलचित्र जस्तो सानो उद्योगबाट पनि राम्रा श्रृजना आउन सक्ने र बलीउड जस्ता ठुला उद्योगले कपि गरेर विश्वभर चर्चा कमाउन खोज्नु सरासर गलत रहेको बताए ।
नेपाली चलचित्र BOB मा अनुज पाण्डे, दीपक शाक्य, सुजी शाह लगायतका कलाकारहरुको अभिनय छ भने हिन्दी ‘कृती’मा मनोज वाजपेयी, राधिका आप्टे, नेहा शर्मा लगायतको अभिनय छ ।
हेर्नुहोस् BOB: