कलेजमा देखियो आकाश र ज्योत्शनाको प्रेम (भिडियो)

ठुलोपर्दा डटकम, काठमाण्डौ।
नेपाली युवास्टार नायक अनमोल केसीको ब्यानरमा बनेको नेपाली चलचित्र ‘म त तिम्रै हुँ’को नयाँ गीत सार्वजनिक भएको छ ।

चलचित्रको सार्वजनिक ‘Everybody’ बोलको गीतमा हर्कुलस बस्नेतको संगीत रहेको छ । संगीतकार बस्नेतसँगै अल्मोडा राना र संजिमाको आवाज रहेको छ । गीतका कोरियोग्राफर कविराज गहतराज हुन् । गीतमा चलचित्रका मुख्य कलाकार आकाश श्रेष्ठ र नायिका ज्योत्सना योगी सगै जीवन भट्टराई, अनुपम श्रेष्ठ, सुशन खड्का, अर्जुन खड्का र सुशील काफ्ले देख्न सकिन्छ ।

यो चलचित्र श्रावण ७ गते देशभर रिलीज हुँदैछ । श्रीराम महतले निर्देशन गरेको यस चलचित्रकी निर्माता अभिनेत्री सुस्मिता केसी हुन् । सौरभ लामाको छायांकन,हिमाल केसीको द्वन्द्व निर्देशन, बनिश शाह र मिलन श्रेष्ठको सम्पादन रहेको छ । सुस्मिता केसीको कथा रहेको यस चलचित्रमा कृष्ण आचार्यको पटकथा संवाद रहेको छ ।

गीत हेर्नुहोस्: