अनमोल र श्रृष्टी होलीमा रमाउँदै (भिडियो)

ठुलोपर्दा डटकम, काठमाण्डौ।
बहुप्रतिक्षित नेपाली चलचित्र ‘गाजलु’को होली गीत सार्वजनिक भएको छ । ‘रंग रंग’ बोलको गीतमा चलचित्रका कलाकारहरु अनमोल केसी, श्रृष्टी श्रेष्ठ, सलोन बस्नेत, गौरव पहारी, मेनुका प्रधान लगायत देखिएका छन् ।

गीतमा जैन जेका शब्द तथा संगीतमा सिवानी मोक्तानको स्वर रहेको छ । जेठ २८ गतेबाट रिलिज हुने यो चलचित्रमा अहिले चर्चामा रहेका युवास्टार अनमोल केसी र पूर्व मिस नेपाल श्रृष्टी श्रेष्ठको मूख्य अभिनय रहेको छ । यो चलचित्रलाई हेमराज बिसिले निर्देशन गरेका हुन् भने रोहित अधिकारी निर्माता हुन् । अनमोल र श्रृष्टीको साथमा सलोन बस्नेत, गौरव पहारी, मेनुका प्रधान लगायतको पनि अभिनय रहेको छ ।

‘गाजलु’ नेवारी परम्परामा रहेको कुमारी चलन, कुमारी बनेकी युवतीसँग कुनै केटाको सम्बन्ध हुन नहुने भन्ने अन्धविश्वास र त्यसपछि आउने घटनाक्रमा आधारित छ ।

गीत हेर्नुहोस्: