ठुलोपर्दा डटकम, काठमाण्डौ।
प्राय: मिस नेपालहरु अभिनयमा सफल छैनन् । उनिहरुले कोशिस नगरेका होइनन् तर पनि सफल हुन सकेनन् । श्रृष्टी श्रेष्ठ ‘गाजलु’मा अभिनय गर्नु अगावै अभिनयको चर्चामा थिइन् । एक चर्चित हिन्दी गीतमा अभिनय गरेपछि उनले अनपेक्षित चर्चा बटुलिन् । त्यसपछि ‘गाजलु’ सेटमा भेटिइन् । चलचित्र रिलिज अगावै उनले नाटक मञ्चन समेत गरिन् । उनि अभिनयकी विद्यार्थी पनि हुन् ।
पूर्व मिस नेपाल श्रृष्टी श्रेष्ठ जीन्दगीका चुनौतीहरुसँग जुध्न मन पराउँछिन् । ‘यत्तीकैमा खुशी हुनु हुँदैन, मैले भर्खर सुरुवात मात्र गरेकी छु । अझै धेरै गर्न बाँकी छ, कठोर मेहनत गर्नैपर्छ । मलाई हरेक चुनौतीसँग जुध्न मन लाग्छ’ उनले भनिन्, ‘मैले अझै चुनौतीपूर्ण पात्रमा अभिनय गर्न पाउँ भन्ने इच्छा छ । अहिलेलाई गाजलुको पूर्व कुमारीको चरित्रबाट निकै नै खुशी छु’ ।
जेठ २८ गतेबाट रिलिज हुने ‘गाजलु’मा अहिले चर्चामा रहेका युवास्टार अनमोल केसी र पूर्व मिस नेपाल श्रृष्टी श्रेष्ठको मूख्य अभिनय रहेको छ । यो चलचित्रलाई हेमराज बिसिले निर्देशन गरेका हुन् भने रोहित अधिकारी निर्माता हुन् । अनमोल र श्रृष्टीको साथमा सलोन बस्नेत, गौरव पहारी, मेनुका प्रधान लगायतको पनि अभिनय रहेको छ ।
‘गाजलु’ नेवारी परम्परामा रहेको कुमारी चलन, कुमारी बनेकी युवतीसँग कुनै केटाको सम्बन्ध हुन नहुने भन्ने अन्धविश्वास र त्यसपछि आउने घटनाक्रमा आधारित छ ।