मिस्टर ग्लोबलको टप १० मा दिक्पाल, छैटौँ स्थान कब्जा

अन्तरास्ट्रिय पुरुष सौन्दर्य प्रतियोगिता ‘मिस्टर ग्लोबल २०१६’ मा नेपालबाट प्रतिनिधित्व गर्ने चर्चितमोडल तथा नायक दिक्पाल कार्की टप टेनमा पुग्न सफल भएका छन् । दिक्पाल टप टेनको छैटौं नम्बरमा रहेका छन् । उनी अहिले मिस्टर ग्लोबल २०१६ को फाइनल अडिसनका लागि थाइल्याण्डमा छन् ।

उनले थाइल्याण्डबाट हामीसँगको कुराकानीको क्रममा आफु टप टेनमा पुग्दा अत्यन्तैं खुसी लागेको बताए । २५ बर्सिय ६ फीट अग्ला दिक्पाल यस प्रतियोगितामा थाइल्यान्ड, अमेरिका, कोरिया, चिन, अर्जेन्टिना, ब्राजिल, क्यानाडा, भारत आदि जस्ता देशका प्रतियोगीहरु संग भिड्दैं छन् । दिक्पाल मिस्टर काठमाडौँ २००९ को बिजेता समेत हुन् । यो प्रतियोगिता थाइल्यान्ड को अप्रिल २७ देखि मे ८ सम्म हुनेछ ।

नायक दिक्पालले यस अघि रंग बैजनी र च्याम्पियन चलचित्रमा अभिनय गरेका थिए भने सयभन्दा बढि म्युजिक भिडियोमा अभिनय समेत गरिसकेका छन् ।