प्रेम र एक्सनले भरिएको ‘के म तिम्रो होइन र’ को ट्रेलर सार्वजनिक (भिडियो)

ठुलोपर्दा डटकम, काठमाण्डौ।
बैशाख ३१ गतेबाट प्रदर्शनमा आउने चलचित्र ‘के म तिम्रो होइन र’ को ट्रेलर सार्वजनिक भएको छ । राजधानीमा आईतबार आयजित एक कार्यक्रमका बीच चलचित्रको ट्रेलरसँगै दुई गीत सार्वजनिक गरिएको हो । सार्वजनिक ट्रेलरमा चलचित्रका नव-नायक आर्यन अधिकारीको धमकेदार एक्शन देख्न पाइन्छ ।

ट्रेलरमा निर्देशक आकाश अधिकारीले रोमान्स, प्रेम र एक्सनलाई स्थान दिएका छन् । सुरेश अधिकारीको लगानी रहेको यो चलचित्रमा गौरी मल्ल, मिथिला शर्मा, प्रज्वल सुजल गिरी, सुरेन बस्यााल, सविना गोपाली, आकाशबाबु खवास, रमेश अधिकारी, बिनोद केसीको पनि अभिनय छ । चलचित्रमा पटकथा तथा संवाद यम थापाको छ भने नवराजकृष्ण थापाले चलचित्र खिचेका हुन् । कार्यक्रममा बोल्दै चलचित्रका निर्देशक अधिकारीले चलचित्र ‘के म तिम्रो होइन र’ लाई उत्कृष्ट बनाएको बताए । उनले चलचित्रको टाइटल दिएकोमा गीतकार डाक्टर कृष्णहरी बराललाई धन्यवाद पनि दिए । अधिकारीले आफ्नो प्रतिस्पर्धा आफ्नै चलचित्रसँग भएको पनि बताए ।

बसन्त सापकोटा र ताराप्रकाश लिम्बुको संगीत रहेको चलचित्रका गीतमा डाक्टर कृष्णहरी बराल, सुन्दर श्रेष्ठ र आकाश अधिकारीको शब्द छ । चलचित्रमा उदितनारायण झा, अन्जु पन्त, राजेशपायल राई, प्रल्हाद तिमिल्सिना, मिलन अमात्य र दुर्गा दाहालको आवाज छ । चलचित्रका नायक आर्यन अधिकारीले चलचित्र ‘के म तिम्रो होइन र’ उत्कृष्ट बनेको बताउँदै दर्शकहरुले चलचित्र रुचाउने पनि दाबी गरे ।

कार्यक्रममा चलचित्र विकास बोर्डका अध्यक्ष राजकुमा राई, चलचित्र पत्रकार संघका अध्यक्ष शान्तिप्रि, नायिका स्वेता खड्का लगायतले शुभकामना दिएका थिए । हिमाल केसीको एक्सन, बसन्त श्रेष्ठ र रेनशा वान्तवा राईको कोरियोग्राफी, दिनेश गैडा र राजु पेन्टरको कला, अर्जुन जिसी र भूपेन्द्र अधिकारीको सम्पादन छ । चलचित्रमा प्रोडक्शन डिजाइनर सुरज आचार्य, प्रोडक्शन म्यानेजर दीलिप पन्त, पोस्टर डिजाइन विजय बस्याल र शान थापाको छ ।

ट्रेलर: