‘जंगे’ को ट्रेलर सार्वजनिक, सुरज सिंह एक्शन अवतारमा देखिदा ऋचा बनिन् हट (भिडियो)

ठुलोपर्दा डटकम, काठमाण्डौ।
वैशाख १७ गतेबाट प्रदर्शनमा आउन लागेको चलचित्र ‘जंगे’को अफिसियल ट्रेलर सार्वजनिक गरिएको छ । आइतबार सार्वजनिक गरिएको ट्रेलरमा चलचित्रका नायक सुरज सिंह ठकुरी एक्शन अवतारमा प्रस्तुत भएका छन् भने चलचित्रकी नायिका ऋचा शर्मालाई हट अवतारमा देखाइएको छ ।

उत्कल थापाको निर्देशनमा तयार भएको यो चलचित्रलाई सुसन प्रजापतिले निर्माण गरेका हुन् । विरगञ्जका विभिन्न स्थानमा यो चलचित्रको छायांकन गरिएको छ । चलचित्रमा नायक सुरज सिंह ठकुरी शिर्ष भूमिकामा देखिएका छन् । सुभाष कोइराला र एम. एस. अग्रजको पटकथा तथा संवाद रहेको चलचित्रमा सुसन प्रजापतिकै छायांकन, उज्वल ढकालको सम्पादन छ ।

चलचित्रमा ऋचा शर्मा, शिखा शाही पनि मुख्य भूमिकामा छन् । जंगेले विभिन्न षड्यन्त्र र बाधाहरुलाई चिर्दै कसरी शासन सत्ता र शक्ति प्राप्त गर्छ भन्ने देखाइएको छ । ट्रेलर सार्वजनिक कार्यक्रममा बोल्दै निर्देशक थापाले जंगबहादुर राणाको जीवनीलाई आधुनिकतामा उतार्ने प्रयास चलचित्रमा गरेको बताए । त्यस्तै नायिका शर्माले चलचित्र बनाउँदा दुख गरेको भन्दै दर्शकले मन पराइदिने विश्वास व्यक्त गरिन् ।

ट्रेलर हेर्नुहोस्: