फ्राईडे रिलिज : ‘भाग् सानी भाग्’ सँग तीन चलचित्र

ठुलोपर्दा डटकम, काठमाण्डौ।
यस पटकको फ्राईडे रिलिजमा चार नेपाली चलचित्र प्रदर्शनमा आएको छन् । चलचित्र ‘भाग् सानी भाग्’, ‘लक्ष्य’, ‘२७ आर्वस्’ र ‘इन्द्रावती’ आजबाट देशव्यापी प्रदर्शनमा आएका चलचित्र हुन् ।

भाग् सानी भाग्’ बाहेक अन्य चलचित्रको नाम खासै बजारमा सुनिएको थिएन त्यसैले यस पटकको शुक्रबार भाग् सानी भागका लागि विशेष हुने बताइएको छ । चलचित्र भाग् सानी भाग्मा केकी अधिकारी, सविन श्रेष्ठ, निर शाह, लय संग्रौला, रमेश वुढाथोकी, गिता अधिकारी, रविन्द्र खड्का, विष्णु सापकोटाको मुख्य भूमिका रहेको छ । रंगीन सपना बोकेर गाउँबाट शहर पसेका एक जोडी युवा युवतीको संघर्षको कथालाई चलचित्रमा उतारिएको बताईएको छ ।

साथीभाई फिल्मस्का लागि बिष्णु चापागाँईको प्रस्तुतीमा बनेका यो चलचित्रमा कविराज गहतराजको नृत्य, हिमाल केसीको एक्सन, दिव्यराज सुवेदीको छायांकन रहेको छ । चलचित्रमा सहदेव गौतम र विलोल पोख्रेल निर्माताको रुपमा छन् । चलचित्रलाई नवल नेपालले निर्देशन गरेका हुन् ।