‘के म तिम्रो होइन र’को फर्स्टलुक र अडियो जुक बक्स सार्वजनिक

ठुलोपर्दा डटकम, काठमाण्डौ।
आकाश अधिकारीले निर्देशन गरेको नयाँ चलचित्र ‘के म तिम्रो होइन र’को नारी दिवसको अवसर पारेर फस्टलुक पोष्टर र अडियो जुक बक्स सार्वजनिक गरिएको छ । बैशाख ३१ गतेबाट प्रदर्शनमा आउने यो चलचित्रको फस्टलुकको पहिलो पोष्टरमा चलचित्रका नायक आर्यन अधिकारीको आर्कषक शरीर देखाइएको छ भने अर्को पोष्टरमा आर्यन र मरिष्का पोख्रेल देखिएका छन् ।

अधिकारी ब्रदर्स पिक्चर्सको प्रस्तुतीमा द स्काई मुभिजको सहयकार्य रहेको यो चलचित्रलाई सुरेश अधिकारीले निर्माण गरेका हुन् । सञ्जिव भट्ट र सुनिल अधिकारी चलचित्रका सह निर्माता हुन् । चलचित्रमा ३ वटा गीत समावेश गरिएको छ । तर, फस्टलुकसँगै निर्माणपक्षले २ वटा अडियो गीतको अडियो जुक बक्स सार्वजनिक गरेको छ । चलचित्रमा आर्यन अधिकारी र मरिष्का पोख्रेलसँगै सुजल गिरी, सुरेन बसेल, सविना गोपाली, आकाशबाबु खवास, रमेश अधिकारी, विनोद केसी, गौरी मल्ल, मिथिला शर्माको मुख्य भूमिकामा देखिएका छन् ।

बसन्त सापकोटा र तारा प्रकाश लिम्बुको संगीत रहेको फिल्ममा नवराजकृष्ण थापाको छायांकन, आकाश अधिकारीको कथा, यम थापाको पटकथा तथा संवाद, बसन्त श्रेष्ठ र रेनशा वान्तवा राइको कोरियोग्राफी, हिमाल केसीको एक्सन, अर्जुन जिसी र भूपेन्द्र अधिकारीको सम्पादन छ । चलचित्रको पोष्टरलाई सान थापा र बिजय बस्यालले तयार पारेका हुन् ।

जुकबक्स: