ठुलोपर्दा डटकम, काठमाण्डौ।
फागुन २१ गतेबाट देशव्यापी प्रदर्शनमा आउन लागेको चलचित्र ‘ड्रिम्स’ले ‘यूनिभर्सल सर्टिफिकेट’ प्राप्त गरेको छ । बिहिबार सेन्सर बोर्डका सदस्यहरुले चलचित्र हेरेपछि ‘यूनिभर्सल सर्टिफिकेट’ दिएका हुन् । अब यो चलचित्र सबै बर्गका दर्शकहरुले हेर्न पाउनेछन् ।
चलचित्रका सहायक निर्देशक दिवाकर भट्टराईका अनुसार चलचित्र हेरेपछि सेन्सर बोर्डका सदस्यहरुले चलचित्र ड्रिम्स निकै रुचाएको बताए । ‘होस्टेल’ र ‘जेरी’ चलचित्रबाट दर्शक माझ स्टार नायकको रुपमा छवि बनाएका नायक भुवन केसीका छोरा अनमोल केसीले अभिनय गरेको चलचित्र ‘ड्रिम्स’ लाई भुवन केसीले नै निर्माण र निर्देशन गरेका हुन् ।
चलचित्रमा सामीप्यराज तिमल्सेनाको पटकथा, पुरुषोत्तम प्रधान र सन्जय लामाको छायांकन, हरकुलिश बस्नेत र विशेष पाण्डेको संगीत, बनिश शाह र मिलन श्रेष्ठको सम्पादन, चन्द्र पन्तको द्वन्द्व, कविराज गहतराजको नृत्य निर्देशन रहेको छ । यो चलचित्रमा अनमोलसँगै साम्राज्ञीराज्य लक्ष्मी शाह, सन्ध्या केसीको मुख्य भुमिका रहेको छ ।