क्लासिक हिरोइनसँग बाबुको रोमान्स (भिडियो)

ठुलोपर्दा डटकम, काठमाण्डौ।
गायक तथा नायक बाबु बोगटी र हाल प्रदर्शनरत चलचित्र ‘क्लासिक’की हिरोइन नायिका नम्रता श्रेष्ठले एकसाथ अभिनय गरेको नयाँ म्युजिक भिडियो सार्वजनिक भएको छ ।

‘पाउजुले छुनछुनाउन तिमीबाटै सिकोस’ बोलको एउटा गीतमा बाबु र नम्रताको जोडी खुबै खुलेको छ । भिडियोमा बाबुले नम्रताको प्रशंसा गरेरै पूर्णता दिएका छन् । रत्न सुब्बाको स्वर तथा संगीतमा तयार भएको गीतलाई संचारकर्मी सुरज श्रेष्ठले निर्देशन गरेका हुन् ।

भिडियो रोमान्टिक शैलीमा छायाकंन गरिएको छ । हरि हुमागाईले छायाकंन गरेको भिडियोलाई उज्वल ढकालले सम्पादन गरेका छन् । सौरभ तिम्सिनाले शब्द रहेको गीतमा एउटा प्रेमीले प्रेमिकाको भरपुर प्रशंसा गरेको देख्न पाइन्छ ।

भिडियो: