ठुलोपर्दा डटकम, काठमाण्डौ।
माघ २९ बाट प्रदर्शन हुन लागेको चलचित्र क्लासिकको सोमबार सेन्सर गरिएको छ । चलचित्र हेरिसकेपछि सेन्सर बोर्डका सदस्यहरुले चलचित्रलाई ‘यूनिभर्सल’ सर्टिफिकेट दिएका छन् ।
चलचित्र हेर्दा सेन्सरका सदस्यहरुको आँखा आँशुले भरिएको र सेन्सर सदस्यहरुले चलचित्र उत्कृष्ट बनेको प्रतिक्रिया पनि दिएको निर्माता सुवास गिरीले जानकारी दिए । चलचित्र ‘नोभेम्बर रेन’ निर्माण गरेपछि चर्चामा आएको सुवास इन्टरटेन्मेन्ट र आर्यन सिग्देल इन्टरटेन्मेन्टको ब्यानरले निर्माण गरेको चलचित्र ‘क्लासिक’मा आर्यन सिग्देल, नम्रता श्रेष्ठ, समुना केसी, रोमी घिमिरे, प्रज्वल गिरी, सुशिल काफ्ले, सुनिल रावल, शिशिर राना, सकुन्तला थापा, नमित चन्द, विश्व बस्नेत मुख्य भूमिकामा छन् ।
चलचित्रमा ताराप्रकाश लिम्बुको संगीत, डाक्टर कृष्णहरी बराल, दिनेश राउत र दयाराम पाण्डेको गीत, कोशिश क्षेत्री, यूवराज चौलागाई, मेलिना राइको स्वर समावेश छ । चलचित्रलाई दिनेश राउतले निर्देशन गरेका हुन् ।