ठुलोपर्दा डटकम, काठमाण्डौ।
बैशाख १७ गतेबाट देशव्यापी प्रदर्शनमा आउन लागेको चलचित्र जंगेको अफिसियल पोष्टर सार्वजनिक भएका छन् । चलचित्र यूनिटले वुधबार प्रेस विज्ञप्ती जारी गर्दै चलचित्र जंगको पोष्टर सार्वजनिक गरेको हो ।
उत्कल थापाको निर्देशनमा तयार भएको यो चलचित्रलाई आइडियाज एण्ड इमेजेजको ब्यानरमा सुशन प्रजापति र उत्कल थापाले संयुक्त रुपमा निर्माण गरेका छन् । विरगञ्जका विभिन्न स्थानमा यो चलचित्रको छायांकन गरिएको छ । चलचित्रमा नायक सुरज सिंह ठकुरी शिर्ष भूमिकामा देखिएका छन् ।
सुवास कोइरालाको पटकथा तथा संवाद रहेको चलचित्रमा सुसन प्रजापतिकै छायांकन, उज्वल ढकालको सम्पादन छ । चलचित्रमा ऋचा शर्मा, शिखा शाही पनि मुख्य भूमिकामा छन् । यो चलचित्रमा ऐतिहासिक पात्र जंगेको पूर्णब्याख्या गरिएको प्रेस विज्ञप्तीमा जनाइएको छ ।
जंगेले विभिन्न षड्यन्त्र र बाधाहरुलाई चिर्दै कसरी शासन सत्ता र शक्ति प्राप्त गर्छ भन्ने देखाइएको छ ।