ठुलोपर्दा डटकम, काठमाण्डौ।
दिनेश डिसीद्वारा निर्देशित चलचित्र ‘फूलै फूलको मौसम तिमीलाई’ यूनिटले सामाजिक काममा हात हाल्दै प्रचार प्रसार अगाडी बढाएको छ । फागुन २१ गतेबाट देशव्यापी प्रदर्शनमा आउन लागेको यो चलचित्रले धादिङ सलाङघाटको त्रिशुली नदीमा झोलुङ्गे पुल निर्माणमा लाग्ने लागत मध्य साढे सात लाख रुपैयाँ सहयोग गर्ने भएका छ ।
मंगलबार राजधानीमा एक कार्यक्रमको आयोजना गर्दै निर्देशक डिसीले यस्तो घोषणा गरेका हुन् । उनले चलचित्र ‘फूलै फूलको मौसम तिमीलाई’ ले गर्ने सम्पूर्ण नाफाको व्यापार झोलुङ्गे पुल निर्माण गर्न लगाउने पनि बताए । तीन देशकदेखि त्रिशुली नदीमाथि राखिएको तारको लठ्ठामा खिरखिरेको सहयोगमा विद्यालय जाने र आउने कलिला विद्यार्थीको जोखिम यात्रालाई नजिकबाट महसुश गरेपछि निर्देशक डिसीले सलाङघाटमा झोलुङ्गे पुल निर्माण गर्ने निर्णय गरेका हुन् ।
निर्देशक डिसीका यो सामाजिक कामलाई सिजी समुहले पनि साथ दिएको छ । मंगलबार आयोजित कार्यक्रममा उपस्थिती सिजी कम्पनीका निर्वाण चौधरीले धादिङ सलाङघाटको त्रिशुली नदीमा झोलुङ्गे पुल निर्माणमा सिजी समुहले सम्पुर्ण सहयोग गर्ने बताए । उक्त कार्यक्रममा चलचित्रका नायक आमेश भण्डारी, नायिका नीता ढुंगाना तथा कोरियोग्राफर रामजी लामिछाने लगायतका व्यक्तिहरुको सहभागी थियो ।
भिडियो: