ठुलोपर्दा डटकम, काठमाण्डौ।
अभिनेत्री तथा निर्मात्री सुस्मिता केसी बोम्जनले निर्माण गरेको चलचित्र ‘म त तिम्रै हुँ’ को छायांकन अन्तिम चरणमा पुगेको छ । चलचित्रको गीत बाहेकको छायांकन यस अघि नै सकिएको र अहिले गीतको छायांकन चलिरहेको छ ।
चलचित्रमा समावेश ४ गीतमा ३ को छायांकन शुक्रबारबाट सकिएको र बाँकी गीत केहि समय पछि इलाममा छायांकन हुने निर्मात्री सुस्मिताले जानकारी दिइन् । चलचित्र ‘म त तिम्रै हुँ’ लाई श्रीराम महतले निर्देशन गर्दैछन् । चलचित्रमा विजय लामा, सुशिल काफ्ले, आकाश श्रेष्ठ, जीवन भट्टराई, ज्योत्सना योगी, अनुपम श्रेष्ठ, सुसन खड्का लगायतका कलाकारहरुको मुख्य भुमिका रहनेछ ।
अनमोल क्रियशन ब्यानरमा नव निर्देशक श्रीराम महतले निर्देशन गर्ने चलचित्र ‘म त तिम्रै हुँ’ मा सुस्मिताको पनि मुख्य भूमिका रहनेछ । चलचित्रमा सौरभ लामाको छायांकन, कविराज गहतराजको नृत्य निर्देशन, हिमाल केसीको एक्सन, हर्कुलेस बस्नेतको संगीत, सुस्मिताकै कथा, कृष्ण आचार्यको पटकथा तथा संवाद रहेको छ ।