हलिउड चलचित्र ‘स्टार वार्स : द फोर्स अवेकेन्स’ले नयाँ कीर्तिमान राख्न सफल भएको छ । झण्डै दुई हप्ता अघि प्रदर्शनमा आएको चलचित्र स्टार वार्स सबै भन्दा छिटो समयमा एक अर्ब अमेरिकी डलर कमाइ गर्ने चलचित्र बनेको छ ।
यो चलचित्रले प्रदर्शनमा आएको १२ औं दिनमा विश्वभरबाट एक अर्ब डलरको कमाइ गरेको हो । अमेरिकामा क्रिसमसको दिनमात्रै यो चलचित्रले ४९ करोड ३० लाख डलर कमाएको थियो । यस अघि यो कीर्तिमान जुरासिक वर्ल्डको नाममा थियो ।
गएको जुनमा प्रदर्शन भएको जुरासिक वर्ल्डले १३ दिनमा एक अर्ब डलरको व्यापार गरेर बनाएको कीर्तिमान स्टार वार्सले तोडेको हो । यस्तै स्टार वार्सले अमेरिकामा क्रिसमसको दिनमा सबै भन्दा बढी कमाइ गर्ने चलचित्रको कीर्तिमान पनि बनाएको छ ।