ठुलोपर्दा डटकम, काठमाण्डौ।
संगीतकार चेतन सापकोटाले निर्माण गरकेो चलचित्र ‘भाग सानी भाग’को दोस्रो पोस्टर सार्वजनिक गरिएको छ । नायक सविन श्रेष्ठले आफ्नो फेसबुक मार्फत चलचित्रको पोस्टर रिलिज गरेका हुन् । पोस्टरमा चलचित्रकी नायिका केकी अधिकारी र नायक श्रेष्ठ देखिएका छन् ।
नवल नेपालको लेखन र निर्देशनमा निर्माण भएको यस चलचित्रमा केकी अधिकारी, सविन श्रेष्ठ, निर शाह, लय संग्रौला, रमेश वुढाथोकी, गिता अधिकारी, रविन्द्र खड्का, विष्णु सापकोटाको मुख्य भूमिका रहेको छ । रंगीन सपना बोकेर गाउँबाट शहर पसेका एक जोडी युवा युवतीको संघर्षको कथालाई चलचित्रमा उतारिएको बताईएको छ ।
चलचित्रमा सहदेव गौतम र विलोल पोख्रेल निर्माताको रुपमा छन् । साथीभाई फिल्मस्का लागि बिष्णु चापागाँईको प्रस्तुतीमा बन्न लागेको यो चलचित्रमा कविराज गहतराजको नृत्य, हिमाल केसीको एक्सन, दिव्यराज सुवेदीको छायांकन रहनेछ । यो चलचित्र चैत ५ गतेबाट देशव्यापी प्रदर्शनमा आउँदैछ ।
यसै चलचित्रको सार्वजनिक भईसकेको गीत हेर्नुहोस्: