नेपालमा माघ १ गते रिलिज मिति तोकिएको नेपाली चलचित्र ‘फन्को’ २३ नोभेम्बरमा बेल्जियमको सिनेमाहल जेड लुभेनमा प्रदर्शन गरिएको छ । चलचित्र दुई सो प्रर्दशन गरिएको निर्माता शहदेव गौतमले बताए ।
फन्को आगामी २९ तारिखका दिनमा अर्को दुई शो गरिदैंछ । चलचित्र फन्को हेर्ने बेल्जियमका एन.आर.एन.ए दर्शकहरुले चलचित्र उत्कृष्ठ बनेको प्रतिकृया दिएका छन । यो चलचित्रमा सवारीको रुपमा प्रयोग गरिने ‘जिप’ प्रमुख आकर्षणमा रहेको जनाईएको छ ।
सुर्बण थापा निर्देशित ‘फन्को’ यूरोपका बेल्जियम, फिनल्याण्ड, डेनमार्क, अस्ट्रीया, ईटालि, स्पेन, पोर्चुगल, फ्रान्स लगाएतका देशहरु र अमेरिका अस्ट्रेलिया देशहरुमा पनि प्रर्दशन गरिने बताईएको छ । चलचित्रमा सौगात मल्ल, दयाहाङ्ग राई, अनुप बराल, केकी अधिकारी, प्रियांका कार्की लगाएतका कलाकारहरुको अभिनय रहेको छ । पदम गुरुङ्गको प्रस्तुतीमा नरेन्द्र महर्जन र शहदेव गौतमले बनाएको ‘फन्को’ सस्पेन्स कमेडी चलचित्र हो ।