५० बर्षमा लागे शाहरुख खान, घरमा फ्यानको भिड

आज नोभेम्वर २ तारिख, बलिउड अभिनेता शाहरुख खानको ५० औं जन्मदिन । बलिउडमा किगं खान, किगं अफ बलिउड, बादशाह, किगं अफ रोमान्सको उपनामले समेत चिनिन्छन शाहरुख खान ।

Click Here to Watch Entertaining Videos
सामान्य परिवारमा हुर्केका शाहरुखले मेहेनत र लगावका कारण बलिउडमा सफलताका सबै उचाइ हासिल गरिसकेका छन् । उनको जन्मदिनको अवसरमा उनका प्रशसंकहरुले शाहरुखको घरमा रातिदेखिनै शुभकामना दिइरहेका छन् । रातीदेखि नै शाहरुखको घर मन्नत बाहिर हजारौ प्रशंसकको भिड लागेको छ । रातीनै शाहरुखले आफ्ना प्रशंसकलाई अभिवादन गरेका थिए । यसैगरि बलिउडका अन्य कलाकार निर्देशक सबैले उनलाई बधाइ दिइरहेका छन् ।

२३ वर्षदेखि बलिउडमा अभिनय गरिरहेका शाहरुखलाई भारतीय सिनेमाको विश्व एम्वेस्डरको रुपमा पनि लिइन्छ । उनले अभिनय गरेका अधिकांश चलचित्र सुपरहिट छन् । २ नोभेम्बर १९६५ मा नयाँ दिल्ली, भारतमा जन्मिएका उनको पछिल्लोपटक प्रदर्शनमा आउको चलचित्र ‘ह्याप्पी न्यू इयर’ हो भने प्रदर्शनको तयारीमा ‘दिलवाले’ रहेको छ ।