सुरबिनालाई ‘सुश्री’को आश

Click Here to Watch Entertaining Videos
झेली, नाइके र प्रर्शनको तयारीमा रहेको ‘होमवर्क’ अतिथि भुमिका निभाएकी सुरबिना सुश्रीबाट भने आफुले धेरै आशा गरेको बताएकी छिन् । नयाँपत्रिका दैनिकसँगको कुराकानीमा उनले भनिन् -‘चलचित्र सुश्रीबाट मलाई निकै नै आशा छ । चलचित्र नाइकेमा झैँ यो चलचित्रमा पनि मेरो ‘पियर’ आर्यन सिग्देल हुनुहुन्छ ।

सुश्रीमा आर्यनलाई एकोहोरो माया गर्ने पीडित युवतीको भूमिकामा छु । कमेडी जनराको फन्नी चलचित्र बनेकाले म निकै हौसिएकी छु । अहिले जतासुकैबाट राम्रो रेस्पोन्स पाइरहेकी छु ।’ यो चलचित्रमा आर्यन, सुरबिनासँगै आशिका तमाङ, बिकास चापागाईं, राजाराम पौडेल, मिश्री थापा लगायतका कलाकारले अभिनय गरेका छन् ।

आशिका फिल्म्सको ब्यानरमा निर्मित चलचित्रलाई आत्माराम थापाले निर्माण गरेका हुन् । चलचित्र लेखक शिबम अधिकारीले यो चलचित्रलाई निर्देशन गरेका हुन् ।