नेपाली सेनामा सारंगी अर्केस्ट्रा स्थापना गर्न विशेष योगदान पुर्याएका नेपाल संगीत तथा नाट्य प्रज्ञा प्रतिष्ठानका उपकुलपति संगीतकार शम्भुजित बाँस्कोटालाई नेपाली सेनाले नेपालले सम्मान गरेको छ ।
प्रधानसेनापति गौरवशमशेर जबराले उनलाई सम्मान पत्र हस्तान्तरण गर्दै सम्मान गरेका हुन् । उनीसगैं संगीत संयोजक अमूल कार्की ढली, सारंगीवादक श्याम नेपाली, प्रिन्स नेपाली र धर्म गन्धर्वलाई कदर स्वरूप प्रशंसापत्र प्रदान गरिएको थियो। राजधानीमा आयोजित एक कार्यक्रममा नेपाली सेनाले नेपालको विभिन्न भागमा प्रचलित सारंगीका एक दर्जन धुन र दुई लोकगीत समेटेर तयार गरेको अडियो सीडी पनि सार्वजनिक गरेको छ ।
सेनाका विभिन्न युनिटबाट ३० जना सहभागी गराई सञ्चालित सारंगीवादन तालिमका शिक्षार्थीबाट तयार गरिएका धुन तथा गीत सीडीमा समावेश गरिएको छ ।